9&10

1.
koshish jo kaamyaabi ki buniyaad ho
to GHar meraa kabkaa aabaad ho

(buniyaad=foundation)

2.
honhaar ho taalib-e-ilm to kyaa
naam howe jo maqbool ustaad ho

(taalib-e-ilm=student, maqbool=famous)

3.
aam raay pe kare teraa deen asar
yooN dekheN tujhe jaise jallaad ho

(deen=religion/upbringing, asar=impact, jallaad=executioner)

4.
na jalaal, na girah meiN maal
kyoN chaand-chehroN ko meri yaad ho

(jalaal=good looks, girah=waist-purse)

5.
na raKH gilaa kisi se ke 'shaahid'
ba-daulat tere kuCHCH fasaad ho

(gilaa=complaint, fasaad=riot)

-------------'Jawaab'----------------

1.
kaamyaabi ki buniyaad koshish hai
naakaam daur to aazmaaish hai

(maakaam=unsuccesful, daur=period, aazmaaish=testing times)

2.
reh dilchasp maahireeN se milne
aham baDi inki sifaarish hai

(maahir=expert, sifaarish=recommendation)

3.
tuu deen kaa akelaa rahnumaa naheeN
inki duniyaa-bhar meiN jumbish hai

(rahnumaa=representative, jumbish=movement)

4.
chaand-chehre tuu jald bhuulegaa
ishq to laDakpan ki KHwaahish hai

5.
sabse gilaa 'shaahid' ko yooN ke
use miTaane ki yaaN saazish hai

(saazish=conspiracy)