25. haaN, meree kabhee unse baat thee

1.

haaN, meree kabhee unse baat thee
ab bhee rahtee to kuCHCH baat thee

2.

anjaane meN hueeN KHataayeN mujhse
warnaa aisee bhee kyaa baat thee

(KHataa=mistake)

3.

jis baat se haiN woh KHafaa mujhse
woh naa jaane kab ki baat thee

(KHafaa=sad)

4.

unkee baatoN se maiN samJHaa naheeN
ke hamaare beeCH kuCHCH baat thee

5.

woh din gaye ke 'shaahid' unkee
har baat pe apnee ik baat thee