24

1.

yooN to shiddat ke zimmedaar DHooNDtaa hooN
dar-asl apne raSHk ko qaraar DHooNDtaa hooN

(shiddat=violence, zimmedaar=responsible, dar-asl=in reality, raSHk=anger/malice, qaraar=satisfaction)

2.

kabhee samJHooN ke badlaa hai laayaq jawaab
kabhee daur-e-aman ke aasaar DHooNDtaa hooN

(badlaa=revenge, laayaq=appropriate, daur-e-aman=times of peace, aasaar=signs/symbols)

3.

yahaaN ke logoN ko to intiqaam se matlab
jahaaN par koi GHam-gusaar DHooNDtaa hooN

(intiqaam=revenge, GHam-gusaar=someone who can console)

4.

meraa pur-ashq CHehraa CHHapteN haiN sabhee
meraa dard samJHe woh aKHbaar DHooNDtaa hooN

(pur-ashq=tearful, aKHbaar=newspaper)

5.

kabhee soCHtaa hooN 'shaahid' hal milne ko hai
kabhee soCHtaa hooN ke bekaar DHooNDtaa hooN

(hal=solution, bekaar=unnecessary)